Ссылки доступа

Шокирҷон Ҳакимов боздошти хабарнигоронро танқид кард (гулчин)


Ба расонаҳои минтақа ҳақ дода мешавад, ки аз ин матлабҳо ба сурати комил ва ё ҷузъӣ истифода кунанд. Бо дархости муштариён метавонем ба онҳо шакли аслии наворҳои видеоиро фиристем. Онҳо, инчунин, метавонанд матлаби дилхоҳи худро аз махзани Директ истифода кунанд.

- Шокирҷон Ҳакимов боздошти хабарнигоронро танқид кард. Шокирҷон Ҳакимов, муовини раиси Ҳизби сотсиал-демократ ва профессори ҳуқуқшинос, мегӯяд боздошти хабарнигорон Далери Имомалӣ ва Абдулло Ғурбатӣ барои озодии баён дар Тоҷикистон бад аст. (видео)

- Дар Ашт паёмадҳои фалокатро бартараф мекунанд.​ Дар ноҳияи Ашт рафъи оқибатҳои сели харобиовар идома дорад. Сокинони зарардидаи ноҳия, ки ба кишту кор машғул буданд, ҳоло ҳама корро як сӯ гузошта бо роҳи ҳашари умумӣ дар пайи бартараф кардани паёмади офати табиӣ ҳастанд. (видео)

- Чаро Тоҷикистон истифодаи чароғҳои каммасрафро манъ кард. Ҳукумати Тоҷикистон бо як қарор воридот ва фурӯши чароғҳои каммасрафро манъ карда, лампаҳои светодиодӣ ҷойгузини онҳо шуданд. Сабаби манъ кардани воридот, фуруш ва истифодаи лампаҳои каммасрафро зиёни он ба саломатӣ ва муҳити зист гуфта шудааст. (видео)

- Муҳоҷирон аз Русия дилсард шудаанд? Ҷанги Русия алайҳи Украина ва зарари он ба иқтисоди кишварҳо, то андозае ба фикру нақшаҳои муҳоҷирони корӣ ҳам таъсир кардааст. Баъзе муҳаққиқон мегӯянд, муҳоҷирон, ки ба кор дар Русия одат карда буданд, ҳамакнун дар фикри тарки ин кишвар ва ҷустуҷӯи кор дар давлатҳои дигар мешаванд. (видео)

- Шакар дар Қазоқистон камчин шудааст: навбатпоиҳо ва 90% гароншавӣ. (видеои Настоящее время)​

- Аҳмадзода гуфт, сабаби тирпаррониро таҳқиқ мекунанд.​ Дар муноқиша дар марзи Тоҷикистону Қирғизистон рӯзи 14-уми июн як сарҳадбони 26-солаи тоҷик кушта шудааст. (видео)

- Оё "Вкусно" ҷойи Mcdonald's-ро мегирад? ​12 июн, замоне ки мардуми Русия рӯзи истиқлоли ин кишварро ҷашн мегирифтанд, шабакаи ошхонаҳои фастфуди Макдоналдс бо номи "Вкусно и точка" дари худро кушод. Як моҳ пеш ин шабакаи маъруфи ошхонаҳои амрикоӣ бо ишора ба таҷовузи Русия ба хоки Украина фаъолияташро дар Русия бас кард. (видео)

- Дасти "пешво"-ро дар тасмимгириҳои сиёсӣ "кӯтоҳ" кардаанд.​ Президенти пешини Қазоқистон, Нурсултон Назарбоев, дигар ҳаққи дахолат ба корҳои сиёсии ин кишварро надорад, вале барои фаъолиятҳои гузаштааш ҷавобгар нахоҳад буд. Мавлон Ашимбоев, раиси Сенати Қазоқистон, охири ҳафтаи гузашта дар ин бора хабар дод. (видео)

- Оҳакпазӣ рӯзи сокинони деҳаеро дар Хуросон "сиёҳ" кард. Дуди ғализи хумдонҳои оҳакпазӣ дар ҷамоати Қизилқалъаи ноҳияи Хуросон, ки солҳо боз зиндагии мардуми ин маҳалро “талх” кардааст, айни замон зиндагии гуруҳи дигареро таъмин мекунад. (видео)

-Дар Тоҷикистон ҳуқуқи динӣ то чӣ ҳад риоят мешавад? Дар барномаи Гапи озод ин навбат дар бораи эҳтиром ба озодиву ҳуқуқи динӣ дар Тоҷикистон суҳбат мешавад. То куҷо ҳукумат ба ин ҳуқуқ эҳтиром мегузорад ва то куҷо нодида мегирад? Шерзот Абдуллозода муҳақиқи дини ислом аз Душанбе ва руҳонӣ Муҳаммадсаид Ризоиён руҳонии хориҷ аз кишвар баҳс мекунанд. (видео)

- Аҳволи иқтисоди Русия бадтар мешавад? ​Бо идомаи ҷанги Русия дар Украина, афзоиши таҳримоти иқтисодӣ ба зидди Русия ва тарки ин кишвар кардани ширкатҳои хориҷӣ аҳволи иқтисоди Русия торафт бадтар мешавад. Мардум ҳам батадриҷ оқибатҳои ин ҷангро бештар эҳсос мекунанд ва бахусус дар буҷаи хонаводаи худ. (видео)

- "Ирода" ҷоизаи "Juliette Gimon Courage Awards 2022"-ро дарёфт кард. (видео аз Тоҷикистон)

- Мақомоти Қазоқистон мегӯянд, гандум дар он кишвар камчин намешавад. ​(видеои Настоящее время)

-Муҳоҷири узбек, ки дар Фаронса қаҳрамон шуд. (видео)

- Дар буҷаи Нурсултон барои варзиши кудакона пул намондааст. (видеои Настоящее время)

- "Вазири дорусоз". Вазири тандурустии Қирғизистон боздошт шуд, вай бо чӣ чиз шуҳрат дошт (видео Настоящее время)

- Чаро Муродҷон наметавонад, девор бардорад? ​Муродҷон Ҷӯрабойзода, сокини маҳаллаи Ҳалимбобои ноҳияи Бобоҷон Ғафуров, ба ҳавлияш сангу хок овардааст, аммо ду сол боз девор бардошта наметавонад. Мегӯяд, марзбонҳои Қирғизистон монеъ мешаванд, чун минтақаи баҳсӣ мешуморанд (видео)

- Оҳакпазӣ рӯзи сокинони деҳаеро дар Хуросон "сиёҳ" кард. ​Дуди ғализи хумдонҳои оҳакпазӣ дар ҷамоати Қизилқалъаи ноҳияи Хуросон, ки солҳо боз зиндагии мардуми ин маҳалро “талх” кардааст, айни замон зиндагии гуруҳи дигареро таъмин мекунад (видео)

КОРМАНДОНИ МУҲТАРАМИ РАСОНАҲО! БО ҲАЗОРОН НАВОРИ САДОВУ ВИДЕО, АЗ ҶУМЛА, ШАКЛИ АСЛИИ САДОВУ ВИДЕОҲО БО ЗАБОНИ ТОҶИКӢ, КИ БАРОИ ЗАХИРА КАРДАНИ КОРШАРИКОН ДАСТРАС ҲАСТАНД, ОШНО ШАВЕД!

XS
SM
MD
LG