Ссылки доступа

Каракалпакстандагы окуялардан кийин Өзбекстан президентинин администрация башчысы иштен алынды


Зайнолибиддин Низомиддинов (солдо)

Каракалпакстандагы окуялардан кийин Өзбекстандын президенти Шавкат Мирзиёевдин администрация башчысы Зайнолибиддин Низомиддинов кызматтан алынды.

Расмий маалыматта ал "саламаттыгынан улам башка жумушка которулганына байланыштуу" иштен кеткени жазылган.

Кийинчерээк Низомиддинов Кесиптик кошуундар федерациясынын башчысынын биринчи орун басары кызматына дайындалганы белгилүү болду.

«Азаттыктын» өзбек кызматы бийликтеги булактарына таянып, Низомидинов баш мыйзамга киргизилген өзгөртүүлөрдү сунуштоодо маанилүү роль ойногонун жазды. Жаңы сунушталган долбоордо Каракалпакстандын Өзбекстандын курамындагы "суверендүү республика" деген макамы алынган эле.

Бул өзгөртүүлөргө байланыштуу Каракалпакстан автоном республикасында тутанган башаламандыкта 18 адам өлгөн. Жүздөгөн адам жараат алып, беш жүздөн көбү камалган. Укук коргоочулар жана бозгундагы оппозиция өкүлдөрү курман болгондордун саны алда канча көп экенин айтып келишет.

Тополоңдон кийин өзбек парламенти Конституциянын жаңы долбоорунда Каракалпакстандын суверендүү макамын өзгөртүүсүз калтырууну колдогон.
49 жаштагы Зайнолибиддин Низомиддинов 2016-жылдан бери Мирзиеев менен тыгыз кызматташып келет. Ал президенттин администрациясынын жетекчиси катары таасирдүү саясий фигура катары саналчу.

Буга чейин Евробиримдик, АКШ, Бириккен Улуттар Уюму жана башка бир катар эл аралык уюмдар Ташкентти Каракалпакстандагы окуяларды бейтарап жана тыкыр иликтөөгө чакырган.

Видео

Видео

"Арстанбап желим баштык, бөтөлкөгө толуп калыптыр"
пожалуйста, подождите

No media source currently available

0:00 0:11:11 0:00
XS
SM
MD
LG