Соцтармактарда жарыяланган видеого караганда, мектептин шыбагы түшүп, шыбы нымдан көөп кеткен. Мектептин дааратканасы көчөдө жайгашкан.
"Бул мектепте эч ким окуй элек, бирок жагдайы ушундай", -дешти тургундар.
Алматы облустук акимчилигинин басма сөз катчысы Галымурат Жукел 15-августта маалымат каражаттарына берген маегинде имарат бир ай мурун катуу жааган жамгырдын кесептетинен зыянга учураганын айтты. Акимчилик объектини курган компания 18-августка чейин кемчиликтерди жое турганын билдирүүдө. Жукелдин айтымында, абалды Алматы облусунун акимчилиги көзөмөлдөп жатат.
Ulysmedia порталынын билдиришинче, билим берүү министри Асхат Аймагамбетов мектеп курулушуна байланыштуу акимчиликке эскертүү берген.
