Ссылки доступа

Өзбекстандын Арал Пайгамбар аймагында 24 ооган жараны кармалды


21-августта Өзбекстандын Сурхандарыя облусунун Амударыя дарыясында мамлекеттик чек араны бузуп, аралга кайыктар менен келген ооган жарандары байкалган.

Алар Өзбекстандын чек ара кызматкерлерине каршылык көрсөтүшкөн. Бул тууралуу Өзбекстандын Чек ара кызматы билдирди.

Жүргүзүлгөн операциянын жыйынтыгында Өзбекстандын чек арасын бузуп кирген 24 кишинин баары кармалган. Алардын тек жайы аныкталып, тергөө иштери башталары кабарлады.

Сурактын жүрүшүндө ооган жарандары аралчага кызыл мыянын тамырын казуу үчүн келишкени аныкталды. Бул өсүмдүк Өзбекстандын чек ара аймактарында көп өсөт.

Билдирүүдө Арал Пайгамбар аймагы Өзбекстандын Чек ара аскер бөлүгүнүн толук көзөмөлүндө экени белгиленген.

XS
SM
MD
LG