Ссылки доступа

Кыргызстандын элчиси тажик министрлери менен чек арадагы коопсуздук маселесин талкуулады


Кыргызстандын Тажикстандагы элчиси Эрлан Абдылдаев 23-августта Душанбе шаарында Тажикстандын ички иштер министри Рамазон Рахимзода менен жолугуп, миграция жана укук коргоо тармактарындагы эки тараптуу кызматташтыктын негизги аспектилерин талкуулады.

Кыргызстандын Тышкы иштер министрлигинин (ТИМ) басма сөз кызматы кабарлагандай, жолугушуунун жүрүшүндө тараптар эки өлкөнүн укук коргоо органдарынын ортосундагы өз ара аракеттешүүнү колдоо маанилүү экенин, бул "чек аралаш райондордогу коопсуздукту жана туруктуулукту камсыз кылууга оң таасир этерин" белгилешти.

Маалыматка караганда, Тажикстандын ички иштер министри Ооганстандын түндүгүндөгү эл аралык террордук уюмдар тараптан коркунуч бар экенин айтып, "аймактагы абалдын туруксуздашына жол бербөөгө биргелешкен аракеттерди көрүү" зарылдыгын белгиледи.

22-августта Эрлан Абдылдаев Тажикстандын тышкы иштер министринин орун басары Содик Имом менен жолугуп, эки тараптуу кызматташтыктын, анын ичинде жарандардын укуктарын коргоо тармагында, ошондой эле чек ара жана аймактык кызматташтык маселелерин талкуулаган.

"Тараптар чек ара аймактарындагы туруктуулук менен коопсуздукту камсыз кылуу үчүн чек арага жакын жашаган тургундардын арасындагы ишенимди калыбына келтирүү боюнча биргелешкен иштерди улантуу зарылдыгына көңүл бурушту", – деп билдирген анда Кыргызстан ТИМи.

Кыргызстан менен Тажикстандын ортосунда жалпысынан 972 чакырым чек ара тилкеси бар, аны тактоо иштери 2002-жылы башталган. 664 чакырым боюнча орток пикир бар экенин эки өлкөнүн президенттери ырасташкан.

Видео

Видео

- Ош - Изник: 45 күндө беш өлкөдөн өткөн ардагер
пожалуйста, подождите

No media source currently available

0:00 0:03:51 0:00
XS
SM
MD
LG