Мекеменин басма сөз катчысы Анваржон Латифзода поезд 614 жүргүнчүгө ылайыкташканын, 5-сентябрдын кечине карата 400дөн ашык билет сатылганын билдирди. Анын айтымында, бул багыт боюнча поезд ар шаршемби сайын жүрүп турат. Вагондордун түрүнө жараша билет баалары 1200 сомониден 1300 сомониге (120-130 доллар) чейин сатылат.

Бул коронавирус пандемиясынан кийин Тажикстан менен Орусиянын ортосунда ачылган үчүнчү темир жолу каттамы болуп калды. 16-августта Кулябдан, 27-августта Душанбеден Волгоград шаарына поезд каттамдары аткарыла баштаган.

Эми жүргүнчү поезддери ар шейшемби сайын Кулябдан, шаршемби сайын Хоженттен жана ишемби сайын Душанбеден Волгоградга каттап турушат.

Орусия COVID-19 пандемиясына байланыштуу 2020-жылы мартта Тажикстан менен темир жол байланышын токтоткон.