Ссылки доступа

Изҳороти зидду нақизи мақомоти Қазоқистон дар бораи ҳаққи номзад шудани Назарбоев


Узви Комисияи марказии интихоботии Қазоқистон Шавкат Утемисов гуфт, президенти пешини ин кишвар Нурсултон Назарбоев ҳақ дорад, ки дар интихоботи пешорӯи президентӣ номзад шавад.

"Ҳар касе, ки ҷавобгӯи талаботи номзад шудан ҳаст аст, метавонад, номзад шавад", - афзуд Утемисов.

Ин дар ҳолест, ки ҳафтаи гузашта ноиб-вазири адлияи Қазоқистон Алма Муканова гуфта буд, Нурсултон Назарбоев ҳақ надорад, дар интихобот номзад шавад. "Бино ба тағйироте, ки ба Конститутсия ворид шуд, президенти нахустин ҳақ надорад, ки бештар аз ду маротиба пайи ҳам президент интихоб шавад", - гуфт Алма Муканова.

Президенти Қазоқистон Қосимҷомарт Тоқаев ҳафтаи гузашта пешниҳод кард, ки дар кишвараш тирамоҳи соли ҷорӣ интихоботи ғайринавбатии президентӣ баргузор шавад.

XS
SM
MD
LG