Ссылки доступа

Казакстанда оппозициячыл партия президенттике өз талапкерин көрсөттү


Казакстанда Жалпы улуттук социал-демократиялык партиясынын атынан президенттик шайлоого Нурлан Ауесбаевдин талапкерлиги көрсөтүлдү. Мындай чечим партиянын 1-октябрда өткөн жыйынында кабыл алынды.

Съезддин делегаттары оппозициячыл саясатчылар Жасарал Куанышалин менен Уалихан Кайсардын талапкерлигин колдоодон баш тартышты.

65 жаштагы Нурлан Ауесбаев Жалпы улуттук социал-демократиялык партиянын Астанадагы бөлүмүн башкарат. Ал буга чейин курч саясий же социалдык-экономикалык маселелер боюнча кандайдыр бир билдирүү жасаган эмес. Коомчулук арасында бейтааныш.

Ауесбаев – президенттик шайлоого талапкерлиги көрсөтүлгөн экинчи адам. 30-сентябрда “Ауыл” партиясы Жигули Дайрабаевдин талапкерлигин тандаган. Ал пенсионер жана коомчулук арасында таанымал эмес.

Президенттик шайлоого катышуу ниетин Казакстандын азыркы мамлекеттик башчысы, 69 жаштагы Касым-Жомарт Токаев да билдирген. Анын талапкерлиги “Аманат” партиясынын 6-октябрда өтө турган съездинде көрсөтүлөрү күтүлүүдө.

Казакстанда мөөнөтүнөн мурда президенттик шайлоо 20-ноябрга белгиленген.

Видео

Видео

Троллдорго пикириңизди уурдатпаңыз
пожалуйста, подождите

No media source currently available

0:00 0:03:53 0:00
XS
SM
MD
LG