Ссылки доступа

Түркмөнстан Түрк мамлекеттеринин уюмуна мүчө болуп кирет


Түркмөнстан Түрк мамлекеттеринин уюмунун 11-ноябрда Самаркандда өтө турган алгачкы саммитинде уюмга толук кандуу мүчө болуп кирет. Бул тууралуу "Анадолу" агенттиги Түркиянын тышкы иштер министри Мевлүд Чавушоглуга шилтеме кылып кабарлады.

Түрк мамлекеттеринин уюму 2009-жылы октябрда Түрк тилдүү мамлекеттердин кызматташтык кеңеши (Түрк кеңеши) катары түзүлүп, курамына Азербайжан, Казакстан, Кыргызстан жана Түркия кирген.

Өзбекстан уюмга кирүү ниетин 2018-жылы билдирип, 2019-жылы Баку шаарында өткөн саммитте кабыл алынган. Учурда Венгрия менен Түркмөнстан бул уюмда байкоочу макамына ээ.

2021-жылы ноябрда Стамбулда өткөн саммитте кеңештин аталышы Түрк мамлекеттеринин уюму деп өзгөртүлгөн.

Видео

Видео

Троллдорго пикириңизди уурдатпаңыз
пожалуйста, подождите

No media source currently available

0:00 0:03:53 0:00
XS
SM
MD
LG