"Ин шахс барои ошкор нагардидани шахсияти худ аз хидматрасонии хаткашони хусусӣ истифода бурдааст. Ӯ дар як қуттӣ сари хук ва ба болояш акси даридаи сармуҳаррири расона Гулнора Бажкеноваро гузошта, фиристодааст", - омадааст дар хабари "Orda.kz".
Бажкенова ин ҳодисаро ба матлаби ахири расона рабт дод. "Агар бо ман ё аъзои хонаводаам, чизе шавад, қотеъона мегӯям, ки он ба матлаб дар бораи президенти пешини Қазоқистон Нурсултон Назарбоев, бунёди ба номи ӯ ва Алия Назарбоева рабт дорад. Ҳамаи ин корҳо бо фармоиши онҳо мешаванд. Онҳо бо як даст блогеронро ташкил мекунанд ва бо дасти дигар метарсонанд", - афзуд ӯ.
Намояндагони бунёди ба номи Назарбоев то ҳол ба иддаои сармуҳаррири расона вокуниш нишон надодаанд.