Ссылки доступа

Европа кеңешинин парламенттик ассамблеясы Орусияны "террордук режим" деп тааныды


Европа кеңешинин парламенттик ассамблеясы Орусияны "террордук режим" деп атаган резолюцияны жактырды. Бул тууралуу Украинанын ассамблеядагы делегациясы билдирди.

Документти 99 делегат колдоду. Бардыгы болуп ассамблеяга 306 киши кирет, бирок катышуучулардын көпчүлүгү колдосо, документ кабыл алынды деп эсептелинет.

Украин президенти Владимир Зеленский ассамблеяда сөз сүйлөгөндө орус аскерлери чегинген аймактардагы жүрөк үшүн алган абал жөнүндө баяндап, Орусиянын башчысы Владимир Путин менен сүйлөшүүгө барбасын, эл аралык мыйзамдарды урматтабаган лидерлер менен дипломатия мүмкүн эместигин кайталады.

Орусия быйыл мартта Украинага басып киргенден көп узабай Европа кеңешинен чыгарылган.

Саясий маселелер камтылган резолюция аткарууга милдеттүү деп саналбайт. Украина дүйнө коомчулугун Орусияны террорчу мамлекет деп атоого үндөп келатат.

АКШнын администрациясы Орусияны терроризмдин демөөрчүсү деп таануу Москва менен маанилүү тармактарда кызматташуу мүмкүнчүлүгүнөн таптакыр ажыратып коет деп эсептеп, сунушту колдоого даяр эместигин айтууда. Франциянын президенти Эммануэл Макрон да мындай сунушка каршы пикирин билдирди.

Видео

Видео

Троллдорго пикириңизди уурдатпаңыз
пожалуйста, подождите

No media source currently available

0:00 0:03:53 0:00
XS
SM
MD
LG