Ссылки доступа

Қариб 200 донишҷӯи қирғизистонӣ наметавонанд, визаи Итолиёро дарёфт кунанд


Гуруҳе аз донишҷӯёни қирғизистонӣ, ки дар робита ба мушкили дарёфти визаи Итолиё ба президенти Қирғизистон Содир Ҷабборов муроҷиат карда буданд, бо намояндагони вазорати корҳои хориҷии Қирғизистон мулоқот карданд.

Вазорати корҳои хориҷии Қирғизистон гуфт, ба намояндагии дипломатии Итолиё дар Қирғизистон бо дархости баррасии мушкили донишҷӯёни қирғизистонӣ нома ирсол шудааст.

Донишҷӯён гуфтанд, аз моҳи ҷорӣ муҳлати оғози таҳсил дар Итолиё ба поён мерасад.

Ин донишҷӯён пештар ба консули Итолиё дар Қирғизистон ҳамаи ҳуҷҷатҳои лозимиро пешниҳод карданд. Аммо аз консул посухе нагирифтаанд.

XS
SM
MD
LG