Ссылки доступа

Мурдагы министр Алымкадыр Бейшаналиевге козголгон кылмыш иштеринин баары токтотулду


Алымкадыр Бейшеналиев

Мурдагы саламаттык сактоо министри Алымкадыр Бейшеналиевге козголгон жети кылмыш ишинин баары токтотулду. Бул тууралуу “Азаттыкка” анын адвокаты Кайсын Абакиров билдирди.

Анын айтымында, мурдагы министрден бардык айыптоолорду алып салуу жөнүндө чечим кылмыш курамынын жоктугуна байланыштуу августта эле кабыл алынган.

Бейшеналиевдин ишин иликтеген ИИМ бул боюнча азыр комментарий бере элек.

Алымкадыр Бейшеналиев 2-июнда "коррупцияга" айыпталып камакка алынып, 16-июнда кайра үй камагына чыккан. Башкы прокуратура ага чет өлкөлүк менчик компаниялардан 1 млрд. 581 млн. 474 миң сомго вакцина сатылып алынышынан улам айып койгон жана Бейшеналиевге жалпысынан жети кылмыш ишин козголгонун билдирген.

Видео

Видео

Троллдорго пикириңизди уурдатпаңыз
пожалуйста, подождите

No media source currently available

0:00 0:03:53 0:00
XS
SM
MD
LG