Ссылки доступа

Шавкат Мирзиёев алгачкы жолу дүйнөнүн таасирдүү мусулмандарынын тизмесине кирди


Өзбекстандын президенти Шавкат Мирзиёев алгачкы жолу дүйнөдөгү таасирдүү 500 мусулмандын тизмесине кирди.

Бул тизмени Омандагы падышалыктын Ислам стратегиялык изилдөөлөр борбору 2009-жылдан бери түзүп келет. Ага Ислам дүйнөсүндө же мусулмандар үчүн маанилүү маданий, идеологиялык, каржылык, саясий өзгөрүүлөрдү жасоого жөндөмдүү инсандар киргизилет.

"Muslim 500" басылмасы белгилегендей, Өзбекстандын президенти коопсуздук кызматтарынын ыйгарым укуктарын чектөө, тышкы сооданы өнүктүрүү, инвестицияларды тартуу жана көбүрөөк саясий эркиндик берүү өңдүү бир катар реформаларды ишке ашырды.

2023-жыл үчүн түзүлгөн тизмеде Өзбекстандын Мусулмандар дин башкармалыгынын мурдагы жетекчиси, маркум Усманхан Алимов да бар. Ал рейтингге буга чейин да 11 жолу кошулган.

Быйылкы тизмеге мындан тышкары Азербайжандын президенти Илхам Алиев менен Казакстандын президенти Касым-Жомарт Токаев да кирген.

Эң таасирдүү мусулмандардын алдыңкы бештигин Сауд Арабиянын падышасы Салман бин Абдулазиз ал Сауд, Ирандын жогорку лидери аятолла Али Хаманеи, Катар амири шейх Тамим бин Хамад ал Тани, Түркиянын президенти Режеп Тайып Эрдоган жана Иордания падышасы Абдулла II ибн ал Хусейн жетектеген.

Видео

Видео

Троллдорго пикириңизди уурдатпаңыз
пожалуйста, подождите

No media source currently available

0:00 0:03:53 0:00
XS
SM
MD
LG