"Алар тынч митингди биздин өлкөдөгү туруктуулукту бузуу үчүн колдонушкан. Бул жерде тынч демонстрациянын себептери менен мамлекеттик төңкөрүштү ишке ашырууга аракет жасаган кутумчулардын максаттарын так ажырата билүү керек", —деди Токаев.
Президент коомчулукка ажырым салууга аракет жасаган деструктивдүү күчтөр жөнүндөгү сөзүн кайра кайталап, башаламандыктын катышуучуларын баатыр катары көрсөтпөөгө үндөдү.
1-сентябрда Токаев мөөнөтсүз президенттик шайлоо өтөрүн жарыялаган. Аны менен бирге Конституцияга киргизилген түзөтүүлөргө кол койгон. Ага ылайык, президент эми бир жолу гана жети жылдык мөөнөткө шайланат. Казакстанда президенттик шайлоо 20-ноябрда өтөт.