Айыптоо корутундусуна ылайык, Нукустагы башаламандыктар маалында келтирилген материалдык чыгымдын суммасы 6 миллиард 681 миллион 247 миң 508 сумду (600 миң доллар) түзгөн.

28-ноябрда Бухарада Нукустагы окуялар боюнча ачык сот жараяны башталды. Анда жалпысынан 22 киши айыпталуучу катары өтүп жатат. Аларга Өзбекстандын Кылмыш кодексинин 11 беренеси боюнча айыптар тагылган:

• 104. Атайлап денеге оор зыян келтирүү,
• 159. Өзбекстан Республикасынын конституциялык түзүмүнө кол салуу,
• 164. Каракчылык,
• 167. Менчиктеп алуу же коромжуга учуратуу аркылуу уурдоо,
• 227. Документтерди, мөөрлөрдү, бланктарды, автомототранспорттук каражаттардын мамлекеттик номердик белгилерин ээлеп алуу, жок кылуу же жашыруу,
• 243. Кылмыштуу жол менен табылган кирешени адалдаштыруу,
• 244. Жапырт башаламандык,
• 244−1. Коомдук коопсуздукка жана коомдук тартипке коркунуч жараткан материалдарды даярдоо, сактоо, таратуу же демонстрациялоо
• 247. Ок атуучу куралдарды, жардыруучу заттарды мыйзамсыз алуу,
• 277. Бейбаштык.

Тергөө иштери жүрүп жатканда айыпталуучулардын 20сы камакта, бирөө үй камагында болгон. Дагы бир соттолуучу коомчулуктун кепилдигин менен бошотулган.