Ссылки доступа

Тажикстанда бейбаштыкка айыпталган телеканалдын директору камактан чыкты


Пенжикент шаардык соту көз карандысыз телекомпаниянын директорун камактан бошотту. "Ориённур" телеканалынын директору Сино Ниёзов октябрда “Авангард” жаштар уюмунун мүчөсүнө акарат келтирүү шеги менен кармалган.

Бул тууралуу “Озоди” радиосу Сино Ниёзовдун туугандарынын бирине шилтеме берүү менен билдирди.

Соттун чечими 7-декабрда чыкты. Телеканалдын башчысынын милдетин аткаруучу Сухроб Ниёзов соттун өкүмүнөн кийин банкка 100 миң сомони (10 мин доллар) төлөнгөнүн кабарлады.

Сино Ниёзовго карата “Бейбаштык” беренеси менен кылмыш иши козголгон.

Бийликчил “Авангард” жаштар уюмунун мурдагы активисти Бехзод Мухаммади 9-сентябрда Сино Ниёзов үч шериги менен аны сабап, кийимине сийип кетишкени боюнча укук коргоо органдарына арыз жазган.

Сино Ниёзовдун адвокаты ал айыптоолорду четке какканын, бирок Пенжикенттеги ресторандардын биринде бий учурунда Бехзода Мухаммадини кокустан түрүп жебергенин мойнуна алганын айтат.

Видео

XS
SM
MD
LG