Хабарнигорони бахшии туркмании Радиои Озодӣ ва манобеи маҳаллӣ мегӯянд, ҳар чаҳорумин корманди як муассиса ё корхонаи буҷавӣ сарфи назар аз сардии ҳаво дар минтақа маҷбур аст, ки дар мавсими пахтачинӣ иштирок кунад.
"Дар рӯзҳои корӣ аз 20 коргар 5-нафарӣ бо навбат мераванд. Онҳое, ки дар басти шабона кор мекунанд, пас аз кор ба пахтачинӣ фиристода мешаванд. Рӯзҳои истироҳат кормандони буҷавӣ ба таври дастаҷамъӣ пахта мечинанд", - хабар дод як манбаъ аз Дашоғуз.
Президенти Туркманистон Сардор Бердимуҳаммадов 5-уми декабр дар ҷаласаи корӣ бо раҳбарони вилоятҳо дастур дод, ки "то охирин пахтаро ҷамъоварӣ кунанд".
Тибқи пешгӯии обуҳаво дар вилояти Дашоғуз ҳаво рӯзона то -4 дараҷа ва шабона -15 дараҷа гарм мешавад. Дар вилояти Лебап рӯзона то 2 дараҷа ва шабона 10 дараҷа сард аст.