"Буга чейин иш токтотулду деген жооп алганбыз. Тергөөнү улантуу талабы менен сотко кайрылдык", - деди Шорманбаев.
Каракалпакстандын Такияташ шаарынын тургуну, Алматыдагы "Алтын Орда" дүң базарында араба түртүп иштеген 32 жаштагы Максат Канатбаев Январь окуялары учурунда кармалган. Полиция Канатбаев 12-январда бошотулганын билдирген, бирок ал ошол бойдон үйүнө кайтып барган эмес.
Ишти Казакстандын антикоррупциялык кызматы иликтеген. Декабрдын ортосунда кылмыш жасаган адамдардын аныкталбаганына байланыштуу аны издөө иштери токтотулганы кабарланган.
Юрист Амангелди Шорманбаев БУУнун Адам укуктары боюнча комитетине арызданууну пландап жатканын кошумчалады.
Өзбекстандын башка бир жараны Азат Жуманиязов да 4-январдан бери дайынсыз болууда. Анын иши менен Казакстандын ИИМи алектенген.