Маалыматка караганда, көчүрүлгөн тургундарды убактылуу жайгаштыруу үчүн жергиликтүү бийлик органдары Сауран районунда төрт эвакуациялык жай даярдашкан.
Суу ташкынын токтотуу жана кесепеттерин жоюу үчүн жергиликтүү бийликтин, Өзгөчө кырдаалдар жана Коргоо министрлигинин 400дөн ашык кызматкери жана 70 техника иштеп жатат. Жардамга Чымкенттен да кошума күч жана техника жөнөтүлгөнү кабарланды.
2-февралда кардын тез эришинен жана нөшөрлөгөн жаан-чачындан улам Түркстан облусунда суунун деңгээли жогорулап, Кентау, Түркстан шаарларында, ошондой эле Байдибек, Ордабасы жана Сауран райондорунда 21 көчөнү жана 235 короо-жайды суу каптаган.
