Ссылки доступа

Муҳоҷирон метавонанд, нафақаи русӣ бигиранд? (гулчин)


Ба расонаҳои минтақа ҳақ дода мешавад, ки аз ин матлабҳо ба сурати комил ва ё ҷузъӣ истифода кунанд. Бо дархости муштариён метавонем ба онҳо шакли аслии наворҳои видеоиро фиристем. Онҳо, инчунин, метавонанд матлаби дилхоҳи худро аз махзани Директ истифода кунанд.

- Муҳоҷирон метавонанд, нафақаи русӣ бигиранд? ​Мақомоти тоҷик гуфтанд, аз ин баъд муҳоҷирони кории тоҷик дар Русия метавонанд, нафақа бигиранд. Ба шарте, ки санадҳояшон дурусту расмӣ бошад ва ба мақомоти марбутаи Русия муроҷиат кунанд. (видео)

- Марги тоҷики дигари зиндонӣ дар ҷанги Украина.​ Боз як зиндонии тоҷик дар Русия дар ҷанги зидди Украина кушта шудааст. Пайвандони Мақсад Қурбонов аз ноҳияи Рӯдакӣ гуфтанд, ӯ дар яке аз зиндонҳои шаҳри Архангелск буд, аммо ду рӯз пеш хабари маргаш аз Бахмут расид. (видео)

- Муҳоҷирон чӣ гуна ба Тоҷикистон пул мефиристанд? Масъулони "Амонатбонк" гуфтанд, баъзе аз муҳоҷирон пулро на тавассути низомҳои интиқоли маблағ, балки бештар ба ҳисоби бонкии хешовандон дар Тоҷикистон мегузаронанд. Ин кор, ба гуфтаи онҳо, "наву соддаву арзон аст", аммо дар охири ҳар моҳ боиси зуд-зуд холӣ шудани банкоматҳо мегардад.

- Мансабдори тоҷик гуфт, ки чаро тухми мурғ гарон шуд. Бо гузашти се моҳ аз афзоиши бесобиқаи нархи тухми мурғ дар Тоҷикистон, масъулони Кумитаи бехатарии озуқаворӣ сабаби онро ба куштани мурғҳои зиёд пайванд доданд (видео)

- Вазири маориф ба суоли хабарнигорон посух надод.​ Вазири маорифи Тоҷикистон ба суоли хабарнигорон посухи мушаххас надод. Дар нишасти матбуотие, ки рӯзи 2-юми феврал гузашт, аз Раҳим Саидзода дар бораи тағйири китобҳои дарсӣ, рафтани омӯзгорон, таъсири қонуни артиш ба мактабҳои олӣ ва мушкилоти дигар пурсиданд. (видео)

- Мадина бо тифли чормоҳааш аз хонаи хушдоман рафт.​ Арӯсе, ки навори истинтоқ шудани ӯ аз тарафи хушдоман дар шабакаҳои иҷтимоӣ баҳси зиёд ба по кард, аз хонаи шавҳараш рафтааст. Мадина Сиддиқзода мегӯяд, кӯдаки чормоҳа дорад ва дар манзили яке аз пайвандон ҷойгир шуд. (видео)

- TI мегӯяд, фасод дар Тоҷикистон "расм" шудааст. Муҳаққиқони созмони “Шаффофияти байнулмилал” ё Transparency International мегӯянд, дар Тоҷикистон фасод ба як одат ё “расм табдил шудааст”. (видео)

- Дар Қазоқистон фаъолон манъи тибби ғайрисуннатиро талаб доранд. (видео)

- ИМА зархаридони Пригожинро "созмони ҷиноии фаромиллӣ" эълом кард (видео)

- Аркадий Дубнов дар бораи аҳамияти созиши Қирғизистону Узбекистон. (видео)

- Тоҷикистон роҳи нав ба Аврупо меҷӯяд? ​Баъд аз таҳримҳои сахт интиқоли молу коло ба воситаи Русия акнун тақрибан номумкин гаштааст. Кишварҳои манфиатдор дар пайи таҳкими масирҳои нави боркашонӣ миёни Чин ва Аврупоянд. Дар ин нақшаи нав Тоҷикистон ё ҷой надорад ва ё ҷойгоҳи хеле маҳдуд насибаш мегардад. (видео)

- Суолу пешниҳоди сокинон ба мансабдорони тоҷик. Рӯзи 30-юми январ нишасти хабарии мансабдорон дар Тоҷикистон оғоз шуд. Вазирону раисони идораҳои давлатӣ дар бораи корашон гузориш медиҳанд. Хабарнигорони Радиои Озодӣ дар остонаи ин нишастҳо аз мардум пурсиданд, ки ба мансабдорон чӣ суол ва чӣ пешниҳоду гуфтанӣ доранд (видео)

- Кори Чин соҳибкорони тоҷикро хушҳол кардааст.​ Боз шудани марзи Чин даҳҳо соҳибкорро дар Тоҷикистон хушҳол кардааст. Соҳибкорони тоҷик мегӯянд, се соли ахир бо сабаби баста будани марз наметавонистанд молҳои худро саривақт дастрас кунанд. (видео)

- Шикоят аз норасоии ҳаммомҳои занона дар Кӯлоб.​ Сардиҳои камназири зимистони имсол мушкилоти зиёдро дар ҳаёти сокинони Тоҷикистон ошкор кард ва яке аз ин масъалаҳо - камбуди ҳаммом барои занон будааст. Чунин мушкил дар бисёр минтақаҳои Тоҷикистон эҳсос мешавад ва яке аз онҳо шаҳри Кӯлоб будааст. (видео)

- Ҷанги Украина писари ягонаи модари тоҷикро кушт. Дар як деҳаи ноҳияи Ҳисор ҷавонеро ба хок супурданд, ки бо гуноҳи қочоқи маводи мухаддир зиндонӣ шуда буд. Муддате бо хонаводааш тамос надошт ва чанде пеш ба онҳо аз Русия хабар доданд, ки ба ҷанги Украина рафта ва онҷо кушта шудааст (видео)

- Кумакҳои нави низомии ИМА ба Украина аз чи иборат аст. (видео)

- Чи гуна Русия мероси фарҳангии Украинаро медуздад. (видео)

КОРМАНДОНИ МУҲТАРАМИ РАСОНАҲО! БО ҲАЗОРОН НАВОРИ САДОВУ ВИДЕО, АЗ ҶУМЛА, ШАКЛИ АСЛИИ САДОВУ ВИДЕОҲО БО ЗАБОНИ ТОҶИКӢ, КИ БАРОИ ЗАХИРА КАРДАНИ КОРШАРИКОН ДАСТРАС ҲАСТАНД, ОШНО ШАВЕД!

XS
SM
MD
LG