Астана аэропортунан аларды Казакстандагы кыргыз диаспорасынын өкүлдөрү тосуп алышты.
7-февралда Казакстандын Тышкы иштер министрлиги (ТИМ) Анкарага 16 казакстандык жаран жана эки кыргызстандык студент жөнөтүлгөнүн маалымдаган.
Кыргызстан жер титирөөдөн жабыркагандар бар-жогун тактоо иштерин улантууда. 7-февралда Адана шаарында кыргызстандык келин жараат алганы, ал ооруканадан медициналык жардам алып чыкканы расмий кабарланган.
Соңку кабарларга ылайык, Түркия менен Сирияда 6-февралда катуу жер титирөөдөн мерт болгондордун саны 7200дөн ашты. Түркиянын өзүндө набыт кеткенде 5400гө жетип, 32 миңден көп киши жараат алды.