Ҳомии ҳуқуқ Гулшайир Абдирасулова гуфт, боздоштшудаҳоро ба шуъбаи пулиси ноҳияи Якуми майи Бишкек бурданд.
"Онҳоро афроди мулкипӯш дастгир карда, телефонҳояшонро мусодира намуданд. Вазири умури дохилӣ, шарҳ диҳед, ки магар мо дигар наметавонем дар назди ёдгориҳо гул гузорем?", - навиштааст ҳомии ҳуқуқ.
Шаҳрванди Русия Станислав Захаркин, ки дар Бишкек қарор дорад, ба бахши қирғизии Радиои Озодӣ гуфт, маъмурони пулис 5 дусти ӯро дастгир кардаанд.
"Онҳо бояд дар робита ба солгарди оғози ҷанг дар Украина дар назди ёдгорӣ гул мегузоштанд. Вале онҳоро дастгир карда, телефонҳояшонро гирифтанд", - афзуд ӯ.
Русия ҳамлаи низомӣ ба Украинаро 24 феврали соли гузашта оғоз карда буд.