Бино ба хабари расонаҳои маҳаллӣ, дар лоиҳа "анҷоми амал алайҳи шахсе, ки аз нигоҳи молӣ ё чизи дигар аз айбдоршаванда вобастааст" ба гуруҳи хушунати хонаводагӣ шомил карда шудааст.
Ин иқдом ба вазнинтар нишон додани ҷинояткории мазкур нигаронида шуда, ҷавобгариро барои он тибқи моддаи 106-и Кодекси ҷиноии Қазоқистон, сангинтар менамояд. Қонуни нав барои ин навъи ҷиноят аз 6 то 10 сол пешбинӣ мекунад.
Хушунати хонаводагӣ яке аз масъалаҳои доғ дар ҷомеаи Қазоқистон боқӣ мемонад. Бар асоси оморҳо, бештари қазоқистониҳо аз сӯи шавҳарон ё шарикони худ мавриди хушунат қарор мегиранд.
Пулиси Қазоқистон ҳамасола беш аз 100 ҳазор шикоятро дар робита ба хушунат қайд мекунад, ки аксари онҳо зидди бонувон сурат гирифтаанд.