Мекеменин маалыматына караганда, соңку үч жылда укук коргоо органдары кылмыш жасоого шектелген 3 миңден ашык кишиге издөө салган.
Ушул тапта алардын 500ү кармалды, арасында чет мамлекеттерде колго түшүп, Казакстанга экстрадициялангандары да бар.
– Азыр 2500 киши изделип жатат. Анын 400ү алдамчылыкка, 250сү уурулукка шектелүүдө. Оор жана өтө оор кылмыш жасоого шектелген 400 кишинин 250сү кармалды, - деп айтылат билдирүүдө.
Чет мамлекеттер менен кызматташуунун натыйжасында издөөдөгү 600 шектүүнүн жүргөн жери аныкталды. Алардын көбү Орусияда, АКШда, Түркияда, Бириккен Араб Эмираттарында, Кыргызстан, Өзбекстан жана Украинада жашынып жүргөн.