"Бул кишилер Казань менен Дубайга иштөө үчүн бараткандарга үч айлык виза жана билет сатып берүүгө көмөктөшөт. Эгер аларга биометрикалык паспортуңду жана 1 200 доллар берсең, 10 күн аралыгында сенин үйүңө виза менен билетти жеткирип беришет", - деди "Азаттыктын" түркмөн кызматынын кабарчысы.
Ортомчуларга толук ишенүүгө болбойт. Алданып калуу ыктымалдыгы жогору. Бирок жарандар бюрократиялык маселелерден качып, алардын кызматынан пайдаланууга арасыз болууда.
Февралда түркмөн жарандарына биометрикалык виза берүү убактылуу токтотулганы кабарланган. Мартта түркмөн бийлиги чет паспорттор менен визаларды алуу эрежелерин катаалдаштырган. Бул арада түрк визасын алган жарандардан алар активисттик иштерге катышпай турганы жөнүндө тил кат талап кылынууда.
Жума башында Казакстанга чыккан түркмөнстандыктар өлкөгө кайтып келери тууралуу кепилдик кат берүүгө милдетендирилгени белгилүү болгон.