Парвандаи онҳо акнун дубора баррасӣ мешавад.
Додгоҳи зинаи поёнӣ пештар озодиҳои онҳоро 1,5-солӣ маҳдуд карда буд. Додситонӣ аз додгоҳ хостааст, ҳукм бекор ва парванда дубора баррасӣ шавад. Дар ин бора аз Додгоҳи олии Узбекистон хабар доданд.
Дар бораи ин ҷиноят қариб 7 моҳ баъди содир шуданаш расонаҳо хабар доданд.
Ба навиштаи расонаҳои Узбекистон, давоми 10 моҳ мудири ятимхона духтарони ноболиғро барои истифодаи шаҳвонӣ дар ихтиёри роҳбари раёсати вилоятии адлия ва роҳбари ноҳиявии Ҳолтаҳои фавқулода гузоштааст. Роҳбари ятимхона 5,5 сол зиндонӣ шуд. Ду мансабдори дигар бо гирифтани ҳукми 1,5-солии маҳдудсозии озодӣ аз додгоҳ раҳо ёфтанд.
Дар ихтиёри мансабдорон гузоштани духтарони ноболиғи ятимхона дар соли 2021 рух додааст. Он замон духтарон 15,16 ва 17 сол доштаанд.
Мудири ятимхона бо роҳҳои гурусна нигоҳ доштан духтарон маҷбур ба ҳамхоба шудан мекардааст. "Духтарон ҳам дар ҳудуди ятимхона ва ҳам дар утоқи кории роҳбари адлия бо мансабдорон ҳамхоба шудаанд", - хабар медиҳанд расонаҳои Узбекистон.