Ширкати "Baykar" дар шабакаи иҷтимоии "Twitter" хабар дод, ки қудратиҳои Қирғизистон, Озарбойҷон ва Туркия давраи махсуси омӯзишиеро дар бораи идораи бесарнишинҳо ба анҷом расонданд.
Хабаргузории туркии "Анадолу" иттилоъ дод, ки 96 донишомӯз давраи мазкури омӯзиширо ба поён расонда, соҳиби шаҳодатнома шуданд.
"Ҳамаи таҷрибаомӯзон аз Туркия, Қирғизистон ва Озарбойҷон, ки давраи омӯзиширо ба поён расонда, ҳамроҳ бо "Bayraktar AKINCI" ба кишвари худ хидмат мекунанд, табрик менамоем", - омадааст дар иттилоияи ширкат.
Қирғизистон соли 2021 ҳавопаймои бесарнишини “Байрақтар ТБ-2” харид. Раиси ҷумҳури ин кишвар, Содир Жапаров, моҳи октябри соли гузашта гуфт, барои навсозии таҷҳизоти низомии Қирғизистон, бахусус харидани ҳавопаймоҳои бесарнишин аз Русия ва Туркия, 100 миллион доллар ҷудо мекунанд.