Эл аралык уюмдарга жардам сурап кайрылган Камола Кадыри эгер атасы Өзбекстанга экстрадицияланса, ал жакта аны кыйноо күтүп турганын айткан.
50 жаштагы Бобомурод Абдуллаев эмне себептен кармалганы ачыктала элек.
Абдуллаев журналисттерди коргоо эл аралык уюмунун программасынын алкагында Германияда жүргөн. Ал Түркияга кандай максатта барганы белгисиз.
Абдуллаев 2020-жылы Кыргызстанда кармалып, Өзбекстанга экстрадицияланган. Октябрда ага карата козголгон кылмыш иши жабылып, ал эркиндикке чыккан. Анын ишинин чоо-жайы айтылган эмес. Мындан соң журналист президент Шавкат Мирзиёев ага Ташкенттен үч бөлмөлүү батир белек кылганын билдирип, бул "саясий пара" деген айыптоолорду четке каккан.
Бобомурод Абдуллаев 2017-жылы Өзбекстанда конституциялык түзүлүштү кулатуу максатында кутумга барган деп шек саналып камакка алынган. 2018-жылы май айында сот залынан бошотулган.