Диловар Ҳамдамов, сухангӯи Раёсати ҳолатҳои фавқулодаи вилояти Суғд 14-уми май ба Радиои Озодӣ гуфт, ҳафт корманди корхонаи “обтаъминкунӣ ва канализатсияи шаҳри Панҷакент” ва як шаҳрванд ба таъмири хати оби партов оғоз мекунанд.
“Ҳангоми таъмиркунӣ 8 нафар беҳуш мешаванд ва аз тарафи мақомотҳои ноҳия онҳоро дар ҳолати беҳушӣ ба беморхона мебаранд. Дар беморхона 7 нафар кормандони корхонаи фаръии давлатӣ ба ҳалокат мерасанд, 1 нафар шаҳрванд дар шуъбаи эҳё бистарӣ шудааст. Ҷасади 7 нафарро ба наздиконашон супориданд,”-афзуд сухангӯи Кумита дар вилояти Суғд.
Диловар Ҳамдамов афзуд, таҳқиқи ҳодиса аз тарафи мақомот идома дорад.
Ҳафт корманди идораи хоҷагии оби шаҳри Панҷакент ҳангоми кор заҳролуд шуда, ба ҳалокат расидаанд. Ҳодиса шоми 13-уми май дар кӯчаи “50-солагии Тоҷикистон”-и шаҳри Панҷакент рух додааст.