"Коҳиши хатари нобудшави инсоният ба далели зеҳни сунъӣ бояд ба як авлавияти ҷаҳонӣ табдил ёбад ва дар қатори хатарҳои дигаре, ки ба тамоми ҷомеа таҳдид мекунанд, аз қабили пандемия ва ҷанги ҳастаӣ қарор дода шавад", - гуфта шудааст дар изҳороти ширкатҳо.
Зери изҳорот тақрибан 350 донишманд, муҳандис ва раҳбари ширкатҳое, ки дар робита ба ҳуши сунъӣ таҳқиқот анҷом медиҳанд, имзо гузоштаанд. Дар миёни онҳо раҳбари "OpenAI", муассиси барномаи "ChatGPT", Сэм Олтман ва Ҷеффрӣ Ҳинтон, донишманде, ки "падари зеҳни сунъӣ" маҳсуб мешавад, ҳастанд.
Ин нахустин изҳороти ҷомеаи илмӣ дар робита ба зеҳни сунъӣ нест. Қаблан ҳудуди ҳазор донишманд ва технолог, аз ҷумла Илон Маск пешниҳод карда буданд, ки рушди зеҳни сунъӣ ба муҳлати шаш моҳ, то ихтирои барномаҳои мукаммали амниятӣ боз дошта шавад.