Аранитас буга чейин ЕРӨБдүн Түндүк Македониядагы өкүлчүлүгүндө иштеген. Мындан тышкары банктын энергетикалык бөлүмдөрүндө жетектөөчү кызматтарды аркалап, Түркиядагы жана Түштүк-Чыгыш Европадагы бир катар энергетикалык долбоорлорду иштеп чыгуу, ишке ашыруу жана башкаруу үчүн жооптуу болгон.
ЕРӨБдүн Өзбекстандагы өкүлчүлүгүн 2017-жылдан бери жетектеп келген Алкис Дракинос банктын Тблисидеги Кавказ кеңсесинин аймактык башчысы болуп дайындалды.
Өзбекстан Европа реконструкциялоо жана өнүктүрүү банкына 1992-жылы мүчө болгон. Банк 2003-жылы Ташкентке насыя берүүнү кыскарткан. ЕРӨБдүн жетекчилиги буга Өзбекстандагы авторитаризм, экономикалык реформалардын сакталбаганы, сөз эркиндигинин чектелиши жана түрмөлөрдөгү кыйноолор себеп болгонун билдирген.
2005-жылкы Анжиян окуялары өзбек өкмөтү менен ЕРӨБдүн мамилесин мурдагыдан да салкындатып, 2010-жылы банк өлкөдөгү долбоорлор үчүн насыя берүүнү толугу менен токтоткон.
ЕРӨБ Өзбекстандагы ишмердүүлүгүн 2017-жылы кайра калыбына келтирип, Ташкент шаарында өз өкүлчүлүгүн ачкан.
Европа реконструкциялоо жана өнүктүрүү банкы бүгүнкү күнгө чейин 144 долбоордун алкагында Өзбекстандын экономикасына 4,3 миллиард евродон ашык инвестиция салды.