Чанд бонки Қазоқистону Гурҷистон низ ҳамкориро бо "Юнистрим" қатъ кардаанд. Дар Тоҷикистон "Ориёнбонк" ва бонки "Ҳумо" низ доду гирифтро бо "Юнистрим" манъ кардаанд.
"Юнистрим" - яке аз низомҳои маъруфи интиқоли маблағ аз Русия ба кишварҳои пасошӯравӣ аст. Ин низом бо бештар аз 30 кишвари дунё кор мекард. Ин низом бештар барои муҳоҷирони меҳнатӣ ошно аст, ки барои хонаводаҳояшон аз Русия тавассути он маблағ интиқол медиҳанд.
"Юнистрим", Contact ва "Золотая корона" барои русиягиҳое, ки баъди ҳамлаи густардаи Русия ба Украина кишварашонро тарк карданд, хидмат мерасонанд.