Президент матбуот хизмати маълумотига кўра, унда Тоқаев Украина халқини Мустақиллик куни билан табриклаган.
Хабарларга мувофиқ, Зеленский номига бу мазмундаги табрик хатлари Озарбайжон президенти Илҳом Алиев, Молдова президенти Майя Санду, Беларусь раҳбари Александр Лукашенко, Европарламент президенти Роберта Метсола, Европа Комиссияси раҳбари Урсула фон дер Ляйен, АҚШ Давлат котиби Энтони Блинкен ва бошқа лидерлардан келган.
Айни пайтда Самарқанд вилоятида юрган Ўзбекистон президенти Шавкат Мирзиёевнинг Украина президентига Мустақиллик куни муносабати билан табрикнома йўллаб-йўлламагани маълум эмас. Бу борада президент матбуот хизмати ёки бошқа расмий манба бирор маълумот тарқатгани йўқ.
Қозоғистон президенти Қасим-Жомарт Тоқаев 24 август куни Украина президенти Владимир Зеленский номига табрик телеграммаси йўллаган.