Бино ба тарҳи мазкур, шаби 29 феврал ба 1 марти соли 2024 Остона, Алмато, Чимкент ва минтақаҳои дигаре, ки бино ба вақти Остона амал мекунанд, як соат ба ақиб гардонида мешаванд.
"Барои сиҳатӣ, иқтисод ва амнияти инсон бояд минтақаи доимии замоние истифода шавад, ки ба замони офтобӣ (табиӣ) наздиктар аст", - омадааст дар шарҳи тарҳи мазкур.
Айни замон дар Қазоқистон чанд минтақаи замонӣ амал мекунад. Коршиносон мегӯянд, Қазоқистон амалан дар минтақаҳои замонии UTC+3, UTC+4, UTC+5, UTC+6 қарор дорад.
Акнун мақомоти он кишвар мехоҳанд, дар ҳамаи вилоятҳову шаҳрҳои Қазоқистон минтақаи замонии UTC+5-ро ҷорӣ кунанд. Дар сурати қабули ин тарҳ, соати Қазоқистон бо соати Тоҷикистону Узбекистон баробар мешавад.