Додгоҳи шаҳри Остонаи Қазоқистон вазири пешинро дар кушиши додани пора ба маблағи махсусан калон айбдор донистааст. Дар натиҷа муҳлати ҷазои ӯ аз 8 то ба 11 сол дароз карда шудааст.
Дар доираи парвандаи нав ҳамсари Аристонбек Муҳаммадиулӣ - Галия Искакова низ бо ҷурми миёнаравӣ дар ришваситонӣ шаш моҳ ва вакили дифои ӯ Мустаҳим Тулеев бо иттиҳоми қаллобӣ 6 солу 8 моҳ зиндонӣ шудаанд.
Айбдоршудаҳо иттиҳом алайҳи худро рад карда, аз додгоҳ хостаанд, ки онҳоро "сафед кунад".
Муҳаммадиулӣ 28-уми майи соли 2022 бо гумони дуздии беш аз 140 миллион тангаи буҷа ҳабс ва моҳи июни имсол 8 сол аз озодӣ маҳрум шуд. Ӯ аз соли 2014 то 2019 вазири фарҳанг ва варзиши Қазоқистон буд.