Вазорати корҳои хориҷии Русия гуфтааст, Маскав суханони раиси донишгоҳ Шерзодхон Қудратхоҷаевро "таҳқиркунанда ва ғайри қобили қабул" меҳисобад.
Қудратхоҷаев дар як мусоҳибааш нисбати узбекистониҳое, ки забони узбекиро намедонанд, аз қавли Карл Маркс гуфт, танҳо ду тоифа забони кишвари истиқоматашонро намедонанд - онҳо ё ғосиб ҳастанд ё аҳмақ.
"Бигзор онҳо худ хулоса кунанд, ки ғосиб ҳастанд ё аҳмақ", - гуфт Қудратхоҷаев дар мусоҳиба.
Дар эътирозномаи вазорати корҳои хориҷии Русия омадааст, ки "чунин изҳорот комилан хилофи муносибатҳои шарикии стратегӣ Русияву Узбекистон аст".
Мақомоти Узбекистон ҳанӯз изҳори назари Қудратхоҷаевро шарҳ надодаанд.