Сокинони Қирғизистон имрӯзҳо аз соати 06:00 то 09:00-и субҳ ва аз 18:00 то 21:00 барқ хоҳанд дошт.
Манбаъ гуфтааст, ин маҳдудиятро ба далели ҷараён доштани таъмир дар неругоҳҳои Тоқтогул ва Учқурғон, ки 5 март оғоз шудааст, ҷорӣ карданд.
Ин хабарро вазири энергетикаи Қирғизистон Таалайбек Ибраев низ дар порлумон тасдиқ кардааст. Ба гуфтаи вазир, таъмир дар неругоҳҳо бояд 20 феврали имсол оғоз мешуд, вале ба далели сардиҳо то 5 март ба таъхир гузошта шудааст.
Ибраев афзуда, ки маҳдудият дар интиқоли неруи барқ ба сокинони Қирғизистон баъди 10 март бекор мешавад. Ӯ изҳор дошта, ки баъди 10 март ҳаво гарм шуда, истифодаи барқ низ кам мешавад ва аз ин ҳисоб, қарор аст, маҳдудият низ бардошта шавад.