Аввалроқ Қирғизистонда жорий этилган электр энергияси истеъмолида қисқа муддатли чекловлар бекор қилинди, деб хабар бермоқда Энергетика вазирлиги.
Қирғизистонда 10 мартдан об-ҳаво исиб кетган, бунинг натижасида аҳоли ўртасида электр энергияси истеъмоли ҳам камайган.
Чекловлар Тўқтўғул ва Уч-Қўрғон гидроэлектр станцияларидаги реконструкция ишлари деб 5 мартдан 10 мартгача киритилган эди ва айниқса юклама энг оғир бўлган соатларда татбиқ этилган.
Тўқтўғул ва Учқўрғон ГЭСларида таъмир ишлари 20 февралда бошланиши керак бўлган, бироқ об-ҳаво кутилгандан совуқроқ бўлгани боис реконструкция 5 мартга кўчирилган.
Аввалроқ Энергетика вазири ўринбосари Таалайбек Байғозиев Тўқтўғул сув омборида сув ҳажми кескин камайгани сабабли фуқароларни электр энергиясини тежашга чақирган эди. Мулозимнинг қайд этишича, ҳозирда омбордаги сув ҳажми сўнгги йиллардаги энг паст кўрсаткичдадир.