Тажик президентинин басма сөз кызматы билдиргендей, жолугушууда эки өлкөнүн ортосундагы мамилелердин учурдагы абалы жана келечегине байланыштуу маселелер талкууланды.
Жолугушууда эки тараптуу сооданын өсүшү баса белгиленди, анын көлөмү өткөн жылы 504 миллион АКШ долларынан ашкан. Тараптар өнөр жай, айыл чарба жана энергетика, анын ичинде “жашыл экономиканы” өнүктүрүү тармактарында кызматташууну кеңейтүүгө келишти.
Соода-экономикалык кызматташтык боюнча өкмөттөр аралык биргелешкен комиссиянын кезектеги жыйынына катышуу үчүн Тажикстанга келген Абдулло Арипов Душанбеде 12-мартка чейин болот.
Өзбекстанда Шавкат Мирзиёевдин бийликке келиши менен коңшу эки өлкөнүн мамилеси кадыресе жакшырды. 2022-жылы Эмомали Рахмондун Өзбекстанга жасаган расмий сапарынын алкагында тараптар соода жүгүртүүнү жылына миллиард долларга чейин көтөрүүнү макулдашкан.