Ссылки доступа

Қозоғистон бензин ва дизель экспортига қўйилган тақиқни узайтиради


Тақиқ яна олти ойга жорий этилмоқда. 

Қозоғистон ҳукумати қатор нефть маҳсулотларини автомобиль йўллари орқали экспорт қилишга тақиқни яна узайтирмоқда. Энергетика вазири, молия вазири, ички ишлар вазири ва Миллий хавфсизлик қўмитаси раисининг қўшма қарори 29 мартдан кучга киради.

Тақиқ яна олти ойга жорий этилмоқда.

Автомобиллар орқали нефть маҳсулотлари экспортига чеклов Ўзбекистон, Қирғизистон ва Россияга ортиқча бензин чиқиб кетаётгани важи билан 2019 йил ноябрь ойида илк бор киритилган эди.

Кейинчалик тақиқ бекор қилинган, бироқ 2022 йил июль ойида олти ойга қайта киритилди. Ўшандан бери бу чеклов доимо узайтирилиб келмоқда.

Бундан ташқари, апрель ойида Қозоғистон Энергетика вазирлиги бензин ва дизель ёқилғиси учун нархларни оширган. Қарор қўшни давлатлар, жумладан, Ўзбекистон билан нарх тафовутини қисқартириш ва нефть маҳсулотлари контрабандасини тўхтатиш зарурияти билан изоҳланганди.

XS
SM
MD
LG