Интернетке жарыяланган видеолорго ылайык, жергиликтүү тургундар топтолгон жерге атайын даярдыктагы полиция кызматкерлери тартылган. Бир канча убакыттан кийин жашоочулар тарап кетишкен.
Мекеменин маалыматына караганда, "абанын температурасы жогорулап, кардын тездик менен эригенине байланыштуу" түнкүсүн Целиноград районунун Коянды айылындагы үч турак үйдү жана эки убактылуу курулманы суу каптаган. Таңкы саат алтыга карата аймактан 80 миң куб метр суу сордурулган.
"Жалпысынан бул иштерге Акмоло облустук жана Астана шаардык өзгөчө кырдаалдар департаментинен 76 киши, 17 техника жана 18 ири насос тартылды. Азыр абал туруктуу", – деди Акмоло облустук өзгөчө кырдаалдар департаментинин башчысынын милдетин аткаруучу Канат Доспаев.
Мындан тышкары Мугалжар районунун Жагабулак айылында эки үйдүн короо-жайын суу каптап, Жем дарыясы нугунан чыгуу коркунучу жаралды. Буга байланыштуу жакын айылдардан 74 киши, анын ичинде 30 бала коопсуздук жайларга эвакуацияланды.
ӨКМдин маалыматына караганда, Казакстандын башка бир катар аймактарында да суу каптоо коркунучу жаралып, Актөбө облусундагы Байгани, Алга райондорунда жана Ойыл айылында селге каршы иштер уланууда. Түнкүсүн Аягөз дарыясынын Абай облусундагы бөлүгү нугунан чыгып, Аягөз айылында беш үйдү суу каптаган.