Ба иттилои манбаъ, танҳо сеяки ин қазоқистониҳо дар марказҳои муваққатӣ монда, боқӣ ба хонаҳои хешону дустони наздики худ рафтаанд.
Вазорат мегӯяд, дар ҳоли ҳозир вазъ дар вилоятҳои Қазоқистони Ғарбӣ, Атирау, Оқтеппа, Қарағанда, Костанай, Қазоқистони Шарқӣ ва Ақмолин мураккаб боқӣ мемонад.
"Ду обанбори бузургтарини Қазоқистон 99 дарсад пур шуда, ҳар дуои онҳо бо низоми транзитӣ фаъолият доранд. Сатҳи миёнаи пуршавии ду обанбори бузургтарини Оқтеппа 95 дарсадро ташкил медиҳад", - гуфтанд дар Вазорати ҳолатҳои фавқулодаи Қазоқистон.
Ба корҳои наҷотдиҳӣ неруҳои ҳавоии Вазоратҳои ҳолатҳои фавқулодаву дифоъ ва Корди миллии Қазоқистон сафарбар шудаанд.
Бино ба маълумоти ахир, дар ҳоли ҳозир 3686 хона, 1822 бинои зист дар 7 вилояти Қазоқистон зери об мондааст.