Тегишли битим 11 апрель куни Тожикистон парламенти қуйи палатаси томонидан ратификация қилинган.
Тожикистон маданият вазири ўринбосари Манучеҳр Шарифзоданинг маълум қилишича, янги театр учун Маяковский кўчасидан бир гектар ер ажратилган.
Лойиҳанинг қиймати ва қурилишнинг бошланиш санаси маълум қилинмаган. Битим 15 йилга тузилган.
Маяковский номидаги рус драма театри Душанбе шаҳрининг қоқ марказида жойлашган эди, бироқ 2016 йилда бино бузиб ташланди.
Маяковский театрининг эски биноси 1928 йилда қурилган. Бу бинода Чинор Имомов бошчилигида бўлиб ўтган қурултойда Тожикистон ССР тузилиши эълон қилинган. Бироқ, ҳатто бу тарихий факт ҳам бинони бузилишдан қутқара олмади.
Душанбедаги Маяковский номидаги рус драма театрининг янги биноси Россия маблағлари ҳисобидан қурилади.