Ӯ ин нуктаро 22 апрел баъди мулоқот бо ҳамтои қирғизаш Ҷээнбек Кулубоев дар шаҳри Бишкек баён дошт.
Кэмерон қайд кард, ки Қирғизистон дар соҳаи иқтисод шариконе ба раҳбарии Чин дорад ва ин кишвар бояд ҳаққи интихоби шариконро дошта бошад. Ба гуфтаи ӯ, дар дидори дирӯза бо раҳбарияти Қирғизистон ҳамкориҳои ду кишвар баррасӣ шуда ва имкониятҳо барои рушди ҳамкориҳои Қирғизистон ва Бритониё вуҷуд доранд.
Кэмерон таъкид карда, ки Қирғизистон аз манобеи обӣ бой аст ва зарур аст, ки тарҳҳои зистмуҳитӣ дар баробари тағйири иқлим дастгирӣ карда шаванд. Вай афзуда, ки кишвараш дар ин замина як сандуқи сармоягузорӣ барои ҳимоят аз соҳибкории миёна ва хурд таъсис хоҳад дод.
Ин нахустин сафари вазири корҳои хориҷии Бритониё ба Қирғизистон буд.
Дэвид Кэмерон, вазири корҳои хориҷии Бритониё, сафарашро ба кишварҳои Осиёи Марказӣ рӯзи 22-юми апрел аз Тоҷикистон оғоз кард.