Ба иттилои корхона, музоядаи фуруши ҳавопаймоҳои куҳна бо шарти ҳатман маҳв кардан бар асоси қонунгузории Қазоқистон баргузор шуда, дар он танҳо ширкатҳои дохилие иштирок кардаанд, ки иҷозатномаи дахлдорро доштанд.
"Ба ин музояда ширкатҳои хориҷӣ роҳ дода нашудаанд", - омадааст дар изҳороти корхона.
Сомонаи "Stopfake.kz" рӯзи якшанбе хабар дод, ки дар шабакаҳои иҷтимоӣ дар бораи харидории ҳавопаймоҳои куҳнаи ҷангии Қазоқистон барои Украина хабарҳое паҳн шудааст. Марде бидуни зикри номи худ гуфтааст, барои таъмини артиши Украина бо қисмҳои эҳтиётӣ аз Қазоқистон ҳавопаймои куҳнаи ҷангӣ харидорӣ кардааст.
Ҳамчунин гуфта шуда, ки Қазоқистон моҳи октябри соли гузашта 117 ҳавопаймои куҳнаи низомии худро дар фурӯш гузошта буд.
Нашрияи "The Business Insider" рӯзи 29 апрел матлаберо нашр кард, ки дар он гуфта мешавад, гӯиё ИМА тавассути ширкатҳои оффшорӣ аз Қазоқистон 81 ҳавопаймои куҳнаи ҷангии даврони шӯравиро харидорӣ кардааст.