Ссылки доступа

Абаев дар бораи сохтмони неругоҳи ҳастаӣ дар Қазоқистон: "Росатом" вориди рӯйхати кутоҳ шудааст


Ширкати давлатии Русия оид ба энержии атомӣ - "Росатом" дар рӯйхати кутоҳи талабкорони сохтмони неругоҳи ҳастаӣ дар Қазоқистон аст, гуфт Даврон Абаев, сафири Қазоқистон дар Русия.

Масъалаи сохтмони неругоҳи ҳастаиро дар Қазоқистон мақомоти он кишвар гуфт, дар раъйпурсии умумӣ мегузоранд. Санаи баргузории раъйпурсӣ ҳанӯз маълум нест. Абаев дар мусоҳибааш бо расонаҳои Русия рӯзи 4 май гуфт, ки раъйпурсӣ мумкин аст, то охири соли ҷорӣ баргузор шавад.

"Мардуми Қазоқистон худ бояд тасмим гирад. Аммо "Росатом" - бидуни қайду шарт, яке аз пешгомони ин бахш аст, аз ҳамин хотир, агар чунин тасмиме гирифта шавад, "Росатом" дар рӯйхати кутоҳи талабкорони сохтмони неругоҳ ҳаст", - гуфт Абаев.

Як назарпусӣ дар тирамоҳи соли гузашта муайян карда буд, ки 46,6 дарсади сокинони Қазоқистон ҷонибдорӣ сохтмони неругоҳ ҳастанд ва 37,7 дарсад зидди сохтмон.

XS
SM
MD
LG