"Тиркеме түзүү идеясы Казакстандагы аялдардын жана балдардын коопсуздугу боюнча курч көйгөйдөн улам келип чыккан. Биз күн сайын жаңылыктардан аялдарга карата жасалып жаткан зордук-зомбулукту көрүүдөбүз. Көчөдө кимдир бирөө ээрчип алса же үйдө дайыма кол салуулар болуп жатса, бул канчалык коркунучтуу экенин түшүнөм. Мен өзүмдү жана досторумду коргогум келди", - дейт тиркемени иштеп чыккан 26 жаштагы Аружан Меде.
Анын айтымында, колдонмо жабырлануучуну лицензияланган жеке күзөт кызматтары менен байланыштырат. Алдын ала сыноолорго ылайык, күзөт агенттигинин кызматкерлери жардам сураган кишиге 7-10 мүнөттө барат.
"Кооптуу учурда кыз SOS баскычын баса алат, бул учурда дароо жардам тууралуу кабар түшөт. Жардам күтүү учурунда тиркеме аудио жана видео жана колдонуучунун айланасында эмне болуп жатканын жазып алат. Тиркемеге жакын адамдарды тиркеп койсо да болот, кооптуу учурда аларга кабар келет", — деди Аружан Меде.
AMAN Online тиркемесин иштеп чыккан автор кризистик борборлор менен өнөктөштүктү баштоону, ошондой эле аялдар үчүн өз коомун түзүүнү пландап жатканын айтат.
Аялдардын коопсуздугу үчүн SOS колдонмолору башка өлкөлөрдө да бар.