Ба иттилои нашрияи "Financial Times", сухан аз бинои боҳашамати рақами 42 дар Аппер-Гросвенор-стрити Лондон меравад, ки дар наздикиҳои Қасри Букингем ҷойгир аст.
Биноро дар охирҳои моҳи марти имсол "North Wind Capital", ширкате, ки дар бахши амволи ғайриманқул сармоягузорӣ мекунад, харидорӣ кардааст.
"Financial Times" навиштааст, Кулибоев ҳамчунин мехоҳад, як амволи ғайриманқули дигари худро, ки дар канори бинои рақами 42 ҷойгир аст, фурӯшад.
Тимур Кулибоевро маҷаллаи Форбс шомили рӯйхати сарватмандтарин одамони дунё кардааст. Дороии вай 4,3 млрд доллар баҳо дода мешавад. Тимур Кулибоев ҳамроҳ бо Динора, духтари дувуми Назарбоев бузургтарин бонки Қазоқистон ва тиҷоратҳои дигарро соҳиб ҳастанд. Дороии муштараки ин ҷуфтро маҷаллаи Форбс бештар аз 8 млрд доллар баҳо медиҳад.
Тимур Кулибоеви 58-соларо муддати тӯлоние яке аз афроди таъсиргузори бахши нафту гази Қазоқистон меномиданд.