Олардың айтуынша, тәжік азаматтары Ресей астанасына 3 шілдеде ұшып келген, бірақ шекарашылар оларға қалаға кіруге рұқсат бермеген.
«Бізге затымызды да бермеді. Оның ішінде тамақ болған. Бес күн бойы қымбат тамақ сатып алуға мәжбүр болдық. 200 адамбыз. Негізінен Тәжікстан азаматтарын кіргізбей қойды» дейді еңбек мигранттарының бірі.
Оларды 8 шілдеде Тәжікстанға кері қайтарған. Еңбек мигранттарын не себепті Ресей аумағына кіргізбегені белгісіз.
Биыл мамырда Тәжікстан СІМ азаматтарға Ресейге барудан уақытша бас тарта тұруды сұраған.